യു.ഡി.എഫ് ഏകോപന സമിതിയോഗം നാളെ ചേരും

തിരുവനന്തപുരം: യു.ഡി.എഫ്. ഏകോപന സമിതിയോഗം നാളെ രാവിലെ 11 മണിക്ക് പ്രതിപക്ഷനേതാവിന്റെ ഔദ്യോഗിക വസതിയായ കന്റോണ്‍മെന്റ് ഹൗസില്‍ ചേരും.

അതേസമയം കെ.പി.സി.സി. മുന്‍ പ്രസിഡന്റുമാരുടേയും, കെ.പി.സി.സി. വര്‍ക്കിംഗ് പ്രസിഡന്റുമാര്‍, വൈസ് പ്രസിഡന്റുമാര്‍, ജനറല്‍ സെക്രട്ടറിമാര്‍, ഡി.സി.സി. പ്രസിഡന്റുമാര്‍, പാര്‍ലമെന്റ് മണ്ഡലങ്ങളില്‍ മത്സരിച്ച സ്ഥാനാര്‍ത്ഥികള്‍ എന്നിവരുടേയും സംയുക്ത യോഗം മേയ് 28 ചൊവ്വാഴ്ച ഉച്ചയ്ക്ക് രണ്ടിന്‌ ചേരും.

കെ.പി.സി.സി രാഷ്ട്രീയകാര്യ സമിതി യോഗം വൈകുന്നേരം അഞ്ചിന്‌ തിരുവനന്തപുരം ഇന്ദിരാഭവനില്‍ കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്റെ അധ്യക്ഷതയില്‍ ചേരുമെന്ന് കെ.പി.സി.സി വര്‍ക്കിംഗ് പ്രസിഡന്റ് കൊടിക്കുന്നില്‍ സുരേഷ് അറിയിച്ചു.