മുസ്ലീം ന്യൂനപക്ഷത്തിന് കോണ്‍ഗ്രസിനെക്കൊണ്ട് ഉപയോഗമില്ല : ഒവൈസി

ഹൈദരാബാദ്: രാജ്യത്തെ മുസ്ലിം ന്യൂനപക്ഷത്തിന്, ക്ഷീണിച്ച കോണ്‍ഗ്രസിനെക്കൊണ്ട് ഉപയോഗമില്ലെന്ന് എഐഎംഐഎം നേതാവും എംപിയുമായ അസദുദ്ദീന്‍ ഒവൈസി. കോണ്‍ഗ്രസ് രാഷ്ട്രീയമായി ദുര്‍ബലപ്പെടുന്ന സാഹചര്യത്തില്‍ മുസ്ലീമുകള്‍ ആത്മപരിശോധന നടത്തണമെന്നും അദ്ദേഹം പറഞ്ഞു. കോണ്‍ഗ്രസ് ഉള്‍പ്പെടെയുള്ള മതേതര പാര്‍ട്ടികളെ ഉപേക്ഷിക്കരുത്. പക്ഷേ, ജനങ്ങളുടെ ആഗ്രഹംനിറവേറ്റാന്‍ അവര്‍ക്കാകുന്നില്ലെന്ന് മനസ്സിലാക്കണമെന്നും ഒവൈസി പറഞ്ഞു.

പ്രാദേശിക പാര്‍ട്ടികള്‍ക്ക് മാത്രമാണ് നിലവില്‍ ബിജെപിയെ നേരിടാനുള്ള ശക്തിയുള്ളത്. രാഹുല്‍ ഗാന്ധി മുസ്ലിം വോട്ട് നേടിയാണ് വയനാട്ടില്‍ വിജയിച്ചത്. മതേതരത്വത്തിന്റെ പേരില്‍ കോണ്‍ഗ്രസ് ന്യൂനപക്ഷ വോട്ടുകള്‍ സ്വന്തമാക്കുകയാണെന്നും ഒവൈസി പറഞ്ഞു. പ്രാദേശിക പാര്‍ട്ടികള്‍ ശക്തിപ്പെട്ടതിനാലാണ് ദക്ഷിണേന്ത്യയില്‍ ബിജെപി വലിയ വിജയം നേടാതിരുന്നതെന്നും അദ്ദേഹം കൂട്ടിച്ചേര്‍ത്തു.