മുംബൈ സിഎസ്ടി എക്‌സ്പ്രസിന് കൊല്ലത്ത് എഞ്ചിന്‍ തകരാര്‍; മറ്റ് ട്രെയിനുകള്‍ വൈകും

കൊല്ലം: തിരുവനന്തപുരം – മുംബൈ സിഎസ്ടി  എക്സ്പ്രസിന്‍റെ എഞ്ചിൻ തകരാറിലായി. രാവിലെ ആറ് മണിയോടെ കൊല്ലം ജംഗ്ഷന്‍ എത്തുന്നതിന് തൊട്ട് മുമ്പാണ് എഞ്ചിന്‍ തകരാറിലായത്. ഇതേ തുടര്‍ന്ന് ഇതുവഴി പോകേണ്ട മറ്റ് ട്രെയിനുകള്‍ പിടിച്ചിട്ടു.

ട്രെയിന്‍ മാറ്റാന്‍ ശ്രമം തുടരുകയാണ്. ഇതിനാല്‍ ഗതാഗതം അരമണിക്കൂറോളം വൈകുമെന്നാണ് അധികൃതര്‍ അറിയിക്കുന്നത്. തിരുവനന്തപുരത്തുനിന്ന് പുറപ്പെടുന്ന ജനതതാബ്ദി,പരശുറാം എക്സ്പ്രസ്, ജയന്തി ജനത തുടങ്ങിയ ട്രെയിനുകളും പകുതി വഴിയില്‍  പിടിച്ചിട്ടിരിക്കുകയാണ്. ഈ ട്രെയിനിലെ യാത്രക്കാര്‍ ഇപ്പോള്‍ പ്രതിഷേധത്തിലാണ്.