ജിഞ്ചർ ടീ യുടെ ഗുണങ്ങൾ

ഇഞ്ചി ഉപയോഗിച്ച്‌ തയ്യാറാക്കുന്ന ചായ ആരോഗ്യത്തിന് ഏറെ സുഖപ്രദമായ ഒന്നാണ്. ദഹനക്കുറവ്, എരിച്ചില്‍, മൈഗ്രെയിന്‍, ഛര്‍ദ്ദി,അതിസാരം തുടങ്ങി പല രോഗങ്ങള്‍ക്കും പ്രശ്നങ്ങളും ജിഞ്ചര്‍ പരിഹരിക്കുന്നു. തേയില ചേര്‍ത്തോ ചേര്‍ക്കാതെയോ ജിഞ്ചര്‍ ടീ തയ്യാറാക്കാം.

ജിഞ്ചര്‍ ടീയില്‍ അടങ്ങിയിരിക്കുന്ന വിറ്റാമിനുകള്‍ ,ധാതുലവണങ്ങള്‍, അമിനോ ആസിഡുകള്‍ എന്നിവ രക്തയോട്ടം മെച്ചപ്പെടുത്തുകയും ഹൃദ്രോഗ സാധ്യത കുറയ്‌ക്കുകയും ചെയ്യും. രക്തക്കുഴലുകളില്‍ കൊഴുപ്പ്‌ അടിയുന്നത്‌ തടയാനും ഇഞ്ചിക്ക്‌ കഴിയും. ആര്‍ത്തവത്തോട്‌ അനുബന്ധിച്ച്‌ ഉണ്ടാകുന്ന കഠിനമായ വേദനയ്ക്ക് ശമനമേകാന്‍ ജിഞ്ചര്‍ടീയ്ക്ക് സാധിക്കും.ചൂടുള്ള ജിഞ്ചര്‍ ടീയില്‍ ഒരു ടവല്‍ മുക്കി അടിവയറ്റില്‍ പുരട്ടുക. ഇത്‌ വേദന കുറയാനും പേശികള്‍ അയയാനും സഹായിക്കും. ഈ സമയത്ത്‌ തന്നെ തേന്‍ ചേര്‍ത്ത്‌ ഒരു ഗ്ലാസ്‌ ജിഞ്ചര്‍ ടീ കുടിക്കുക.

എന്ത് സാധനവും അമിതമായി ഉപയോഗിക്കുന്നത് ദോഷകരമാകും. അതേ പോലെ തന്നെ ജിഞ്ചര്‍ ടീയും പരിമിതമായ അളവില്‍ ശരീരത്തിന് യോജിച്ച വിധത്തില്‍ ഉപയോഗിക്കണം. അമിതമായ ഉപയോഗം ദഹനസംബന്ധമായ പ്രശ്നങ്ങള്‍ക്കും, വായിലെ അസ്വസ്ഥത, അതിസാരം, ഛര്‍ദ്ദി, നെഞ്ചെരിച്ചില്‍ എന്നിവയ്ക്കും കാരണമാകും. അതേപോലെ അമിതമായ ഉപയോഗം ശരീരത്തില്‍ ആസിഡ് വര്‍ദ്ധിക്കാനും അസിഡിറ്റിക്കും കാരണമാകും.