കോഹ്‍ലി ക്രിക്കറ്റര്‍ ഓഫ് ദി ഇയര്‍, ജസ്പ്രീത് ബുംറ മികച്ച ബൗളര്‍

ഇന്നലെ പ്രഖ്യാപിച്ച സിയറ്റ് ക്രിക്കറ്റ് റേറ്റിംഗ് അവാര്‍ഡില്‍ വിരാട് കോഹ‍‍്‍ലിയെ അന്താരാഷ്ട്ര ക്രിക്കറ്ററും ഏറ്റവും മികച്ച ബാറ്റ്സ്മാനുമായി തിരഞ്ഞെടുത്തപ്പോള്‍ ജസ്പ്രീത് ബുംറ ഏറ്റവും മികച്ച അന്താരാഷ്ട്ര ബൗളറായി തിരഞ്ഞെടുക്കപ്പെട്ടു. അതേ സമയം മോഹിന്ദര്‍ അമര്‍നാഥിനു ലൈഫ് ടൈം അച്ചീവ്മെന്റ് അവാര്‍ഡ് നല്‍കിയിട്ടുണ്ട്.

അമര്‍നാഥിനുള്ള അവാര്‍ഡ് മുന്‍ ഇന്ത്യന്‍ താരം സുനില്‍ ഗവാസ്കര്‍ ആണ് നല്‍കിയത്. ചേതേശ്വര്‍ പുജാരയെ ഏറ്റവും മികച്ച ടെസ്റ്റ് ക്രിക്കറ്റര്‍ ആയി തിരഞ്ഞെടുത്തപ്പോള്‍ രോഹിത് ശര്‍മ്മ മികച്ച ഏകദിന താരമായി തിരഞ്ഞെടുക്കപ്പെട്ടു.

ആരോണ്‍ ഫിഞ്ച്(അന്താരാഷ്ട്ര ടി20 താരം), റഷീദ് ഖാന്‍(അന്താരാഷ്ട്ര ടി20 ബൗളര്‍) എന്നിവരാണ് പട്ടികയിലുള്ള വിദേശ താരങ്ങള്‍. കുല്‍ദീപ് യാദവിനെ മികച്ച പ്രകടനത്തിനും സ്മൃതി മന്ഥാനയെ വനിത താരമായും തിരഞ്ഞെടുത്തു.