ഏകദിന ക്രിക്കറ്റിലെ മികച്ച ബാറ്റ്സ്മാന്‍ കോഹ്ലി തന്നെയെന്ന് മൈക്കല്‍ ക്ലാര്‍ക്ക്

മെല്‍ബണ്‍: ഏകദിന ക്രിക്കറ്റിലെ ഏറ്റവും മികച്ച കളിക്കാരന്‍ ഇന്ത്യന്‍ ക്യാപ്റ്റന്‍ വിരാട് കോഹ്ലി തന്നെയെന്ന് മുന്‍ ഓസ്ട്രേലിയന്‍ നായകന്‍ മൈക്കല്‍ ക്ലാര്‍ക്ക്. എന്നെ സംബന്ധിച്ചിടത്തോളം ഏകദിന ക്രിക്കറ്റ് കണ്ട എക്കാലത്തെയും മികച്ച ബാറ്റ്സ്മാന്‍ വിരാട് കോഹ്ലിയാണ്. എനിക്കതില്‍ യാതൊരു സംശയവുമില്ല. ഇന്ത്യക്കായി കോഹ്ലി ഇതുവരെ സ്വന്തമാക്കിയ നേട്ടങ്ങള്‍ തന്നെയാണ് അതിന് തെളിവ്-ക്ലാര്‍ക്ക് പറഞ്ഞു.

രാജ്യത്തിനായി മത്സരങ്ങള്‍ ജയിക്കാനുള്ള കോലിയുടെ ആത്മാര്‍ത്ഥതയെ നമ്മള്‍ ബഹുമാനിച്ചേ മതിയാവു. കോലി അക്രമണോത്സുകനായിരിക്കാം. എന്നാല്‍ അദ്ദേഹത്തിന്റെ സമര‍പ്പണത്തെ നമുക്കൊരിക്കലും ചോദ്യം ചെയ്യാനാവില്ല. അതുപോലെ ഏകദിന ക്രിക്കറ്റില്‍ അയാള്‍ സ്വന്തമാക്കിയ നേട്ടങ്ങളെയും-ക്ലാര്‍ക്ക് പറഞ്ഞു.